?

Log in

No account? Create an account
Ну что, дорогие мои, сегодня запускаем новый творческий марафон на развитие воображения - День Крокодила. В этот раз будем рисовать календарь.

Почему КАЛЕНДАРЬ? Потому что это практично, полезно, и очень интересно. Вы не просто рисуете картинки, вы создаете законченный продукт, который потом можно будет подарить родным и близким, продать, или отправить в издательства и агентства в виде оригинального портфолио.

День Крокодила - это больше, чем флешмоб. Это - живое общение, море позитива, вдохновения, полезных знаний и навыков. Это возможность показать себя и посмотреть на других, возможность порисовать без боязни быть непринятыми, непонятыми и неоцененными. Кроме этого, в процессе вы еще и создадите что-то свое, неповторимое, что потом еще целый год будет греть вам душу.
Банер copy

Участвовать в нашем марафоне очень очень просто!

- Пройдите по ЭТОЙ ССЫЛКЕ и зарегистрируйтесь, чтоб всегда быть в курсе событий и не отставать от тем и заданий. Там же можно подробно прочитать о правилах участия.

- Участвуйте в розыгрыше моего календаря, который я буду рисовать вместе с вами следующие 16 недель, и вы будете непосредственными наблюдателями его создания от идеи до печати. Если выиграете, то получите его точно под Новый Год прямиком из Англии с моим автографом и личным пожеланием.

Для этого вам нужно:

1) Подписаться на мой ЖЖ. Это для тех, кто еще не подписан.
2) Присвоить себе порядковый номер под записью-оригиналом, то есть только ЗДЕСЬ. Как присваивать номера все знают - заходим в комментарии, смотрим, какой номер был взят в предыдущем комментарии, и берем себе следующий.
3) Сделать репост этой записи в своем блоге.

И все!

Розыгрыш проходит на четырех платформах, поэтому победителей будет четыре – в ЖЖ, Фейсбук, Инстаграм и Вконтакте.

Маленькое предупреждение - пустые профили и повторы номеров – вне игры. Админы проверят. Перегружайте страницу, чтобы убедиться, что вы взяли уникальный номер, ок?

И еще: если вы будете участвовать в розыгрыше на всех четырех платформах, ваши шансы выиграть увеличиваются в 4 раза. Ссылки на другие платформы вы увидите на странице подписки. Желаю всем удачи!

Первый пост с заданием выйдет в Понедельник, 14 Августа. Не пропустите! И обязательно участвуйте! Если вы здесь новенький, загляните СЮДА, и почитайте отзывы участников предыдущих марафонов. Вы сами поймете, на сколько это круто, и что нет совершенно никаких причин оставаться в стороне! Чем нас больше, тем интереснее!

Пра бег

Нешта я сёлета пра бег яшчэ не пісала.
Студзень быў такі, абы не спыняцца, а люты дык і зусім слабы ў пляне трэніровак - даўно я так мала не бегала. З розных прычынаў. Але спадзяюся ад сакавіка вяртацца ў нармальны рытм.

Тым часам, была парачка цікавых мерапрыемстваў.

У студзені зьдзейснілася даўняя мая мара - пабегаць у дзюнах. Тая ж самая кампанія, што рабіла 50-кілямэтровы забег на новы год, зладзіла агульную трэніроўку ў белых пясках, на іншым канцы горада. Адчуваньні неверагодныя - нібыта і не Саўвадор, а іншая плянэта.


+ 3Collapse )
Напачатку лютага ў другі раз пайдзельнічалі ў пляжным забегу. Спадзявалася даказаць сабе, што нейкі прагрэс быў за год, але па часе атрымалася павольней, затое па адчуваньнях нашмат лепей. Відаць, я зусім развучылася выціскаць зь сябе ўсе рэсурсы і маг бегчы толькі ў задавальненьне, а не праз сілу. Мо. яно і да лепшага.
+ 2Collapse )


Сярэдзіну месяца заняў бюракратычна-вучэбны клопат, калі я пару тыдняў з хаты не выходзіла, нават на спорт. А пад канец лютага горад накрыла карнавалам, спартзаля зачынілася на гэты час, але пару разоў мы ўсё ж выпаўзлі на прабежку да бліжэйшага става, які карнавал, дзякуй арышам, практычна не закранае.
+1Collapse )

Што крыўдна, знаёмыя зноў запрашалі пабегаць на пляжы ранкам, мы падняліся а пятай і даведаліся, што карнавал у гэты час яшчэ і ня думаў сканчвацца, таму з дому ня выйсьці. Так і не паехалі. Усё ж добра, што карнавал толькі раз на год.

А заўтра пайду, бадай, запішуся на пару сакавіцкіх забегаў.

Карнавальныя барыкады

Карнаваль, карнаваль, курвы танчуць баль!
(c) Ляпис Трубецкой

Карнавал - гэта такі маленькі апакаліпсіс, што адбываецца раз на год у Саўвадоры. У іншых месцах ён таксама бывае, але ў нас тут такі, асаблівы, зь мясцовым калярытам.

Даўно выношвала гэты допіс, ня першы год, і нарэшце накіпела так, што мушу выказацца.
Папярэджваю, будзе шмат літар, шмат здымкаў і шмат крытыкі. Але калі вам цікава - калі ласка, пад каты.

Сёлета мой пяты карнавал. Першыя два мы з мужам паспяхова хаваліся ў ягонай сястры за 800 км адсюль (не выязджаючы з нага штату, між іншым, а ў Беларусі ўжо колькі межаў перасеклі б). Потым зьбягалі ў іншы канец горада, але вымушаныя былі вярнуцца, і пераканаліся, што дома карнавал можна перасядзець, бо ў нашым раёне ён трохі паслабеў апошнім часам. Таму летась засталіся, нават выходзілі ранкам на прабежкі, і аднойчы ўліліся ў сьвята, калі даведаліся, што на карнавал прывезлі сапраўдную Сэпултуру. І сёлета застаемся, і з гэтай нагоды хачу вам падрабязна распавесьці, чым жа мне не дагадзіў карнавал.

Спачатку трошкі пра саму сутнасьць сьвята.
Што такое карнавалCollapse )

Карнавал лічыцца высокім сэзонам у турызме. У наш трохмільённы горад прыязджае яшчэ прыкладна тры мільёны "гасьцей".

Сам карнавал афіцыйна не лічыцца аб'ектам спадчыны, але некаторыя ягоныя танцавальна-песенныя і касьцюмныя элементы ўнесеныя ў сьпіс нематэрыяльных культурных каштоўнасьцяў.

Ні культурнага турызму (у выглядзе хаджэньня па музэях, галерэях ды тэатрах), ні пляжнага ў час карнавалу вы не атрымаеце, хоць Саўвадор і мае славу першай бразыльскай сталіцы, багатай на гісторыка-культурныя каштоўнасьці. І за гэтую самую спадчыну мне баліць. І не мне адной. Пакуль адныя рыхтуюцца да карнавала, іншыя падымаюць дакументы аб ахове спадчыны, пішуць петыцыі, ладзяць пратэсты ды посьцяць жахі ў фэйбуках, намагаючыся супрацьстаяць несправядліваму абыходжаньню з спадчынай.

У чым жа праблема? Карнавал адбываецца якраз у цэнтры горада, у тым ліку ў гістарычным цэнтры, дзе сабраная безьліч гісторыка-культурнай спадчыны, якія як бы ахоўваецца дзяржавай. Пры гэтым, у афіцыйных дакументах ворганаў аховы спадчыны дэкляруецца, што в
акол гісторыка-культурных каштоўнасьцей вызначаецца пэўная навакольная прастора, якая атачае аб'екты і ня можа быць зьмененай. У тым ліку гэта датычыцца спосабам азеляненьня, якія надаюць аб'ектам спадчыны старажытны выгляд. Для пабудовы якіх-кольвек аб'ектаў у непасрэднай блізкасьці ад аб'ектаў спадчыны, неабходны дазвол адмысловых ворганаў абароны спадчыны, пры гэтым пабудова не можа перагароджваць гэтыя аб'екты, замінаць іх бачнасьці. На паперы яно так, а на практыцы...

Тры асноўныя пляцоўкі карнавала - гэта тры маршруты, па якіх праходзяць карнавальныя блёкі.
Маршруты Додо (у раёнах Барра і Онджына, дзе карнавал доўжыцца больш за ўсё) і Озмар (у сярэдзіне якога мы жывем) названыя так у гонар вынаходнікаў музычных грузавікоў, без якіх сучасныя сьвяты не абыходзяцца. Беларусам, мабыць, спадабаецца іншы маршрут - Батачынья (што праходзіць праз гістарычны цэнтр), у перакладзе - Бульбачка! - у гонар аднаго вядомага тутэйшага выканаўца самбы, такая ў яго мянушка была.

Напярэдадні карнавалу я прайшлася па бліжэйшых да нас двух карнавальных маршрутах ды пафатаграфавала, як горад рыхтуецца да "найвялікшага вулічнага сьвята". На маршруце Додо карнавал пачаўся раней, таму сама я ня стала туды лезьці, але пакажу вам чужыя здымкі і пра яго.

Частка першая. Маршрут Озмар.
1. ОсмарCollapse )


Другая частка. Маршрут Батачынья (бульбачка!), праходзіць па гістарычным цэнтры і мае свае асаблівасьці.
Там няма грузавікоў, бо яны банальна не пралезуць у вузкія вуліцы, няма трыбунаў, з той самай прычыны, затое маюцца карнавальныя дэкарацыі.

2. БатачыньяCollapse )

І, нарэшце, трэцяя частка. Маршрут Додо. Праходзіць ён уздоўж мора і найпапулярнейшых пляжаў Саўвадора. Гэтыя раёны забудоўваліся пазьней, таму там больш месца для трыбунаў.
3. ДодоCollapse )

Каруру

Кажу маме, паедзем да сваякоў на каруру, трэба будзе як-небудзь і цябе звазіць, а то ты такога яшчэ не ведаеш. Яна кажа, як так, каруру я ела, памятаю. Але ж тое іншая справа. Каруру (націск на апошні склад) - гэта і страва (асноўны інгрыдыент - бамія, або яшчэ завецца окра, у Беларусі не сустракала, то можаце ў гугле глянуць), і сьвята.


што за каруру такое + яшчэ 9 здымкаўCollapse )

Карнавал з Sеpultura i Angra

Гэта афігець што такое.
Карнавал - традыцыйна вулічнае сьвята, з грамыханьнем усялякай папсы, напіваньнем півам, выпадковымі пацалункамі з незнаёмцамі і ўсялякім такім жывёльным адрывам, раскідваньнем сьмецьця па дарозе і засцаньнем усіх вуглоў і сьценаў (у Рыа і Сан-Паўлу гэта яшчэ і дэфіле школ самбы, але ў нас гэтай часткі няма). Сёлета на карнавал па факце аддалі ажно два тыдні. Наш мэр дужа цешыцца, што ладзіць найвялікшы вулічны фэстываль у сьвеце (не правярала, але прапаганда такая ідзе). На карнавал на пэўных маршрутах езьдзяць цягачы (па сутнасьці - рухомыя сцэны) з музыкамі і танцорамі, а за імі цягнуцца натоўпы - падпяваюць, танчаць, заліваюцца алкаголем і ўсячаскі радуюцца жыцьцю. Калі ў вас ё трохі грошай, можна не цягацца за машынамі, а заплаціць і тусіць на трыбуне - там тыпу спакайней, б і галота туды не прабярэцца (а значыцца і рабаўнікі). Тады цягачы будуць праплываць міма вас. Калі вы рокер, на чатыры дні для вас робіцца асобная рок-сцэна падалей ад цягачоў. Яшчэ можна сядзець дома, намагаючыся заглушыць грукат звонку нейкім чынам (затычкамі ў вушы ці сваёй музыкай). Можна падарожнічаць, зваліць на нейкі пляж, зноў-такі, калі грошы ё, тым больш што кошты на карнавал растуць.
Мы сёлета зьбіраліся зваліць да сястры ў яе новую глуш (яна нядаўна пераехала). Але тут высьветлілася, што на карнавал запрасілі (я не паверыла спачатку) банды Sеpultura i Angra! Гэта як... ну як бы на дажынкі запрасілі Ляпісаў. Уяўляеце такое?
Ну вось.
Металісты, як даўно вядома, самыя спакойныя і мірныя людзі - ніводнай сутычкі, толькі сяброўскі слэм. Паліцыя не адразу разумела, у чым прыкол. Быццам, бойка, і р-раз - няма, і забіраць нікога не трэба. А на карнавале звычайна боек досыць.

Здымач не бралі, вось, бадай, адзінае фота, з тэлефону новых знаёмых =)


ну і пакажу прыгожыя чужыя відосы, каб вы ўяўлялі, што гэта было такое:



А тут я нават трохі засьвяцілася на 3:32 з покерфэйсам. Але вы не падумайце, мы там таксама добра паскакалі.


P.S. Хадзілі пешкам з дому, накруцілі 12 км (зь іх два - за цягачом пад мэтал). Сьцёрла ногі ў вайсковых ботах з непрывычкі, напэўна. Пераходжу канчаткова на красоўкі, ну нафіг. Выйшлі з хаты а шостай вечара, вярнуліся а трэцяй ночы. Афігенскі крута, скажу я вам, прачынацца пасьля канцэрту без бадуна, бо не пілі. Стомленасьць знаёмая, у галаве нешта з канцэрту яшчэ гудзіць, збой у часе адчуваецца, а башка не баліць. А вы спрабавалі?

Дзень Іеманжы

Калі хто не памятае, Іеманжа - нашая марская багіня. Калі ў існаваньні іншых бостваў я часам сумняюся, то ў яе веру, у нас асаблівыя стасункі, я ў яе прасіла мужа (вынік вядомы), ну і мушу дзякаваць, куды без таго.
2 лютага - заўжды ў нас дзень Іеманжы. Вялікае сьвята, хоць і афіцыйна не выходны.
А сёлета яшчэ і ў суботу, 30-га народ з суседняга пабярэжнага раёну зладзіў напярэдадні сьвята Маці водаў, акцэнтуючы ўвагу на тым, што падарункі Іеманжы мусяць быць экалягічнымі і не забруджваць мора-акіяны. Народ верыць, што яна любіць кветкі, расчэскі, люстэркі, каралі і ўсялякія іншыя ўпрыгожваньні, касметыку, духі (асабліва лавандавыя). Ну і ўсё гэта закідваюць ёй у мора, жадаючы агадзіць. Дык прапагандуем ідэю прыносіць ахвяры прыемныя і Іеманжы і рыбкам - толькі кветкі без абгортак ды ежу.

Само сьвята дужа прыгожае. Мы хадзіл без здымача, але былі добрыя фатографы, то цікаўныя могуць глянуць фотарэпартажы на фэсбуку тут і тут. А ў жж я падзялюся парай нашых здымкаў.



яшчэ 5Collapse )

А ў сам дзень Іеманжы зноў (ужо другі год) не паехалі да яе крама, бо сьвята карналізавалі (а сёлета яшчэ і за дзень а пачатку карнавала яно выпала) - гучная музыка, бухалава і натоўпы. усё адно прыгожа, ну але ж хацелася чагось больш камернага. То пайшлі на той самы бліжэйшы пляж.

Дарэчы, у першае сьвята Іеманжы пачалі нарэшце плаваць, і для першага разу зганялі па вадзе на суседні пляж і назад, 300 мэтраў у адзін бок. То пачатак пакладзены. Дарэчы, практычным шляхам высьветлілі, што плаваньне моцна дапамагае лячыць сьпіну.

яшчэ 2Collapse )

Мы прыйшлі на пляж бліжэй да заходу, шмат хто ўжо, відаць, прынес свае падарункі Іеманжы раней, але не ўсе яна прымае. Тут ё такі сакрэт: ахвяры трэба прыносіць падчас прыліву, бо падчас адліву іх выкідае на бераг (прынамсі, з большай верагоднасьцю. Але мне ўвесь час думалася не пра адліў, а пра сувязь экалягічнасьці і такой вось адмовы.
яшчэ 3, беражыце нэрвыCollapse )

Але заход, хоць і трохі зараньні, прыгожы быў. Зрэшты, як і звычайна.

яшчэ 3Collapse )

Сёньня пачынаецца па факце карнавал (хоць насамрэч мерапрыемствы яшчэ з мінулай пятніцы ё), не ведаю пакуль, як ператрываем (бо дужа шумна за вокнамі, а значыць, і ў хаце), можа, застанемся тут пакуль да суботы, бо ў суботу абяцаюць Сэпултуру (Сэпултуру, на карнавале, Карл!).
Але ўжо атрымала цудоўнага пендзеля ад кіраўніка, то ёсьць чым заняцца. Можаце напісаць мне штось добрае, каб зматываваць на прадуктыўную працу, напрыклад.

Гучная нядзеля

На пляцы пад нашым домам нейкая дзіўная акустыка. Такое адчуваньне, што на нашым дзявятым паверсе ўсё чуецца яшчэ лепей, чым там, унізе. Насамрэч, не лепей, а прыкладна так сама, што не надта мяне суцяшае.

Для такіх неаматараў гучнай музыкі як мы, прыдумалі адмысловую службу, куды можна патэлефанаваць, паскардзіцца, і да парушальнікаў цішыні дашлюць паліцыю. Нават па нядзелях гэтая служба працуе. Сёньня давялося праверыць. Ну і вось што здарылася. Паліцыя прыехала апэратыўна, хвілінаў праз дзесяць, мушу прызнаць. А далей глядзіце самі:

Насамрэч, карнавал даўно скончыўся. Ажно ў сераду. Гэта я тормаз =)
Але ж не магу не падзяліцца.

У нас тут намётавыя мястэчкі ставяць не на мітынгах, ана карнавал. Прычым, падобна, што мясцовы народ. Ну каб ня езьдзіць уначы на іншы канец горада:


Прам пад нашым домам.
Read more...Collapse )

Карнавал

Ну вось, з прычыны непрадбачаных абставінаў вярнуліся мы дадому. Перачакалі толькі два дні карнавалу, заставалася яшчэ чатыры. І што высьветлілася? У параўнаньні зь мінулымі гадамі, зьмяніўся маршрут і карнавал трохі адышоў ад нашай вуліцы. То бок некалькі цягачоў з музыкай яшчэ па ёй праходзяць, але большасьць зваровае кудысь, таму шум не бесперапынны. Да таго ж, падобна, што гучнасьць трохі зьменшылі. Бо грыміць яно і цяпер грыміць, але падчас гэтага грукату можна знаходзіцца ў хаце, размаўляць (і чуць суразмоўцу!), грукат цяпер магчыма перабіць музыкай у навушніках, а яшчэ шкло ў вокнах амаль не дрыжыць. Вось так выпадкова мы высьветлілі, што падчас карнавалу дома можна жыць =)

У якасьці ілюстрацыі:
Вось так народ забаўляецца ў пасьляабедзенны час, рыхтуючыся да сьвята.


А тут ужо ўласна армагедон. Цягачоў не відаць - яны ідуць па вуліцы справа, але ж чуваць.


Ну і вось яшчэ, каб уявіць трохі маштабы, як далёка можа быць чутно.


Можаце ўявіць сабе, як гучна там унізе і чаму мы туды не ходзім =)

Карнавал набліжаецца

Каб ня думалі, што ў нас тут адны радасьці ў жыцьці.

Набліжаецца карнавал. Так склалася, што афіцыйна гэта адзін дзень якбы, але ў нашым горадзе - цэлы тыдзень цягачоў з гучнай музыкай у суправаджэньні п'яных натоўпаў. Прам па нашай вуліцы, ё-маё.

Карнавал якбы распачнецца ў наступны чацьвер, але ўжо ўчора, у нядзелю, было заўважна ягонае набліжэньне:





Так, гэта з вакна, з дзявятага паверху (а па-беларуску было б недзе з дванаццатага, бо тут іншы адлік) так чуваць. І то, здаецца, камэра трохі прыцішае. На карнавал будзе значна горш, але заставацца, каб вам паказаць, як яно, - занадта сур'ёзная ахвяра. Як звычайна, кудысьці давядзецца зьбегчы.